【跳躍生命線】長腿女神張曦雯 呢7位男藝人先襯到佢?

由馬德鐘、何廣沛、張曦雯和劉佩玥等主演的無綫台慶劇《跳躍生命線》,以救護員為題材相當新鮮,而且不乏動人情節,播出以來觀眾評價都相當正面!雖然劇中女角不少,不過華姐冠軍張曦雯一出場就非常搶鏡,話曬張曦雯身高175cm、擁有43吋長腿,再加著埋高踭鞋真係不得了。除了馬神外,TVB仲有邊啲男藝人高得過著埋高踭鞋的張曦雯,又有番咁上下顏值同演技襯得起女神?

撰文:東方新地|圖片:新傳媒、Instagram、劇集截圖

《跳躍生命線》張曦雯

無綫台慶劇《跳躍生命線》以救護員為題材,為觀眾帶來新鮮感,不乏動人情節,馬神馬德鐘依然咁型棍,最特別係幾乎每一集結尾都有一段角色的人生獨白,為TVB劇集從未見過的,所以播出以來觀眾評價都相當正面!

《跳躍生命線》除了兩大女主角陳瀅及劉佩玥外,仲有久違兩年再有劇上的華姐冠軍張曦雯!張曦雯今次喺劇中一改女神造型,飾演一個車房技工,仲會同馬神有一段感情故事!

不過女神就係女神,演咩角色都係咁索~

2012年華姐冠軍

1990年出世的張曦雯今年28歲,為2012年國際中華小姐冠軍,樣貌標緻兼有175cm高佻身材,在美國生活多年操得一口流利英文,所以加入大台後委任明珠台《港生活·港享受》及翡翠台《東張西望》時段內的《Pearl Tonight》主持。出場時間唔多,但令人好有印象!

「靚得太離地」?

張曦雯有著標緻樣貌、高貴氣質,再加上43吋長腿,難怪佢曾經被網民指「靚得太離地」!

|馬德鐘

馬神馬德鐘以前G4(要員保護組) 出身,身高185cm兼有健碩肌肉,雖然已經50歲不過keep得勁好完全冇走樣,每次演專業人士都係冇得輸!今次《跳躍生命線》中馬神與張曦雯對手戲相當多,不過馬神的身高當然唔會被女神比下去!

馬神都仲高張曦雯一截!

|王浩信

身高186cm的王浩信喺大台中「高人一等」,靚仔又有型更是出爐視帝,無論外型定演技都絕對襯得起張曦雯。嚟緊兩人會在劇集《解決師》中合作,每人期待!

王浩信應該從來都唔會擔心女星身高對自己有影響啦~

|馬國明

「天然呆」馬國明身高183cm,樣貌、演技一樣掂,雖然話未攞過視帝,都絕對無損其TVB一線小生地位!馬明同張曦雯會在新劇《白色強人》中合作,齊齊演醫生,

馬明亦係TVB高佬之一。

|陳豪

TVB另一型佬陳豪,同馬明一樣身高183cm,演出經驗豐富,雖然同張曦雯相差接近20年,不過相信一樣襯!可惜兩人暫時未有機會在劇集合作。

陳豪喺新劇《殺手》造型。

|黎諾懿

「神之馬壯」黎諾懿憑《愛回家》彈起後,近年演出機會漸多,不少角色都有不俗發揮,早前喺《BB來了》飾演新手爸爸亦是大受好評!話說黎諾懿那些年貴為「奧運六星」之一,樣貌身材都有番咁上下,183cm高過大部分女星啦!

「神之馬壯」黎諾懿。

黎諾懿高過大部分16幾cm女星一大截。

|袁文傑

由亞視轉投無綫的型男袁文傑,去年憑《不懂撒嬌的女人》中「游生」一角人氣急升,不過最厲害都係其188cm身高,喺街離遠都望到佢,仲要小心俾招牌撞親頭!台慶時袁文傑同兩位高妹陳敏之及陳貝兒一齊行紅地氈,輕鬆啦!

袁文傑夠高大,著西裝真係無得輸。

陳敏之同陳貝兒都係「高人一等」女藝人,真係要袁文傑先襯得起!

|周柏豪

型男周柏豪都唔使多介紹啦,182cm模特兒身高、健碩肌肉,仲係全香港最適合梳「比比鳥頭」的男人!柏豪近年開始參與TVB劇集演出,於《使徒行者2》及現時《再創世紀》都有不俗表現,期待佢會同高妹張曦雯合作!


发表于: 2018-10-31 06:14:13 AM
更多新闻请到脸书追踪我们:我的分享平台

Leave a Reply

Your email address will not be published. Required fields are marked *