林夏薇分享與老公甜蜜相處之法 迫對方睇啲咩戲?

林夏薇於中央戲劇學院出身,同學院有章子怡、秦海璐、袁泉 ⋯⋯她指:「最近我返去見老師,都見到章子怡。」對於在香港發展,她認為是一個緣份:「因為我拎香港身份證,老師就覺得我其實可以試嚇喺香港發展,加上香港演藝學院有嚟學校同我哋交流,嗰時香港話劇團有部戲招緊女主角,問我有無興趣,所以我就返咗嚟。」

林夏薇是林峯堂妹相信無人不知,但對於她來說這並不是一個壓力來源,她表示:「我其實無諗咁多,亦覺得無所謂嘅,的確係因為人哋知我係佢堂妹,而多咗人認識,我希望可以通過自己嘅努力同埋時間係可以證明一切嘅,我覺得觀眾嘅眼係雪亮嘅!」

至於會否與堂哥林峯討論演戲經,她指比較少:「仲未入行,可能見到佢會問嚇,佢有時會畀嚇意見。入咗行之後就少 啲,因為佢都好忙,我亦都有自己忙嘅時間,同埋有老師、同學,多咗人可以問。」

認「林峯堂妹」這個身份的確令 她在初來港發展時加速了知名度。

在《乘勝狙擊》露白 滑肌膚及鎖骨,獲 網民大讚。

林夏薇於訪問中透露自己曾經於北京做過臨時演員,指:「試過拍嘢拍咗全日,連三十蚊酬勞都畀人呃攞唔到,但我都係覺得有機會就去嘞、就好開心,覺得係發揮、學習嘅好機會。」

對於有傳她退出娛樂圈,林夏薇斷言強調無這樣說過,指:「自己又有家庭,又有自己嘅生意,比較少有自己嘅私人時間,要畀番少少時間屋企人,例如我先生成日都話返到屋企,又見我唔到,希望多啲時間陪嚇佢,陪佢做嘢,陪嚇父母。」

林夏薇身形骨架一向纖細,而且從不用節食減肥,「我食好多嘢㗎!」果真得天獨厚!

常有淡出新聞傳出,外界亦普遍認為她嫁得好唔憂做,「唔係,你真係要幫我澄清嚇,book多啲我做嘢!」

林夏薇於無綫劇集《逆緣》講日文令唔少觀眾感到驚喜,她表示自己是為該劇特地學日文,並且之前完全不懂,她說:「因為知要演講日文嘅角色,我都有啲擔心,但我又覺得好刺激,覺得又可以學多樣嘢,我搵老師,喺兩個禮拜內學咗五堂,之後公司都有安排上堂,我就雙管齊下兩邊都學。」

《逆緣》中的中日混血兒角色,甚受網民歡 迎,而網民似乎特別喜愛林夏薇戴眼鏡。

同時,她指自己私底下會同陳家樂傾角色,說:「傾點樣塑造 兩個人嘅 CP( 配對 )會好啲,都有信心嘅 , 我覺 得只要自己努力,唔需要去諗咁遠,佢成日同我講好驚,驚套劇會腰斬,我話:『你都無時間可以瞓,你仲要諗咁遠?』」

《逆緣》中,林夏薇與陳家樂飾演一對情侶。

林夏薇指自己最鍾意做戲,而生意她說:「其實都係喺婚後先至開始多咗接觸,都係一個新手,都係學習嘅階段。」笑言老公沒有無限量打本給她做生意,只有精神上有無限量的鼓勵。

林夏薇表示老公在生意方面是她的前輩,說:「會問嚇佢呢方面嘅意見,我有好好嘅partner嘅,佢哋有做飲食方面嘅經驗,我都好相信佢哋,亦都做得好好、好放心。」至於生意上賺了幾錢,她則指沒有計過,只知生意慢慢上軌度。

經營點心及火鍋生意,分店愈開愈多,她指多得遇到好的拍檔。

林夏薇於訪問中表示老公為人比較指醜,說:「佢一向唔係好鍾意人影佢,佢比較低調,但依家都已經進步咗好多。」她更指自己是個識煮飯的太太,坦言:「佢浪漫過我,佢會好貼心去照顧,同埋我最欣賞呢個男人係佢事業方面每次都可以令我覺得呢個係全新嘅佢,佢唔單止做生意叻,原來喺學識方面都好博學,會講歷史、化學乜嘢佢都 可以同你講到,呢個都係我幾欣賞佢嘅地方。」

林夏薇經常開心 share出海泳照派福 更笑指老公是其御用攝影師。

都以為林夏薇低調,少談婚姻生活,豈料她講及 丈夫莫贊生時滔滔不絕,一臉崇拜,冧樣盡現。

林夏薇坦言自己以前經常會催自己快啲有小朋友,:「發現我哋真係太忙嘞,當然有BB係好開心嘅,但有咗小朋友,點樣拍劇呢?無理由拍一半唔拍,所以依家諗住停一停,調理嚇身體先,隨緣啦!」


发表于: 2018-10-31 06:13:57 AM
更多新闻请到脸书追踪我们:我的分享平台

Leave a Reply

Your email address will not be published. Required fields are marked *