男人入產房勁騰雞?3位星爸陪產蝦碌實錄!

媽媽生BB係兩夫婦的人生大事,唔少爸爸都會選擇入產房陪產。爸爸面對如此驚心動魄的一刻,都會緊張得手忙腳亂。以下同你細數三位星爸陪產騰雞實錄:

編輯:東方新地 |原文:Sunday kiss|圖片:Instagram、Facebook

前亞視高層盛品儒(James)太太蔡一鳳(Michelle)日前誕下龍鳳胎,James接受傳媒訪問時表示人生新嘅一頁開始,覺得好開心,但榮升做爸爸都有壓力,所以會努力做好呢個角色!問到幫bb剪臍帶感受?佢形容:「我覺得有啲似剪腸粉咁……不過硬啲,好特別,好有成功感。」

圖片:Facebook

不過起初他向外只提了BB仔嘅資料,未有提及自己重有一個B囡。事後他又解釋:「仔真係得一個喎!」咁你又啱嘅,但唔少網民就話佢重男輕女。

圖片:Facebook

歌手陳曉東入產房已經有一次經驗,但第二次入產房依然騰雞!太太王妤嫻誕細女陳芷怡時,出門口又忘記了穿鞋,而原本計劃帶相機入產房,最後相機無帶之餘,都只好用手機影相。真係笑料百出!

圖片:Facebook

圖片:Facebook

歌手陳柏宇(Jason)於個人社交網宣布與老婆符曉薇(Leanne)嘅愛情結晶品囡囡Abigail出世!當時老婆穿羊水,陳柏宇繼續瞓唔理自己,Leanne唯有自己打畀醫生求助,醫生聞言即叫佢入院,然後:「我入房拍醒條粉蛋,出門口嘅時候我仲同佢講,攞埋個走佬袋出去,點知佢同我講話唔使,佢話唔似有啲乜,人哋拍戲嗰啲唔係咁,如果真係要生嘅先返嚟攞,最弊嘅係我竟然聽佢講。」

安全到達醫院之後,去到醫院姑娘檢查完確實係穿羊水,即刻call醫生返嚟接生。Jason當時仲以為老婆未省得,好得戚咁同姑娘開玩笑:「條粉蛋仲同姑娘講,乜同拍戲咁大分別嘅,乜穿羊水咁平淡,姑娘同佢講嗰啲係做戲。之後入到手術室門口,條粉蛋換完套藍色手術室衫出黎,好正經同我同姑娘講,你好我係今日嘅醫生,呢個時候麻醉科醫生行過嚟,同我哋介紹自己,點知條粉蛋好厚麵皮咁講,原來你係醫生,我以為我自己係醫生,啲醫生護士喺度好開心咁樣笑,仲同我講你先生好搞笑,我問番佢哋搞事定搞笑丫,之後我就推入手術室。」令Leanne哭笑不得。


发表于: 2018-10-31 06:13:40 AM
更多新闻请到脸书追踪我们:我的分享平台

Leave a Reply

Your email address will not be published. Required fields are marked *